ජපානයේ සුප්‍රසිද්ධ කඩදාසි කලාව...

ඔරිගමි

පාට පාට කඩදාසි යොදගෙන ඇගිලි තුඩු වලින් නිර්මාණය කරන අදහාගත නොහැකි අපූරු නිර්මාණයකි ඔරිගමි. ඔරිගමි සම්භවය ගැන කුමන කතා පැවතියද ලොවම හදුන්වන්නේ එය ජපානයෙන් ලොවට උරුම වූවක් ලෙසය. නමුත් දැන් එය අන්තර්ජාතික වශයෙන් සිදු කරන්නා වූ විනෝදාංශකි. පාට පාට කඩදාසි හරි අපූරුවට නවා විවිධ හැඩතල නිර්මාණය කිරීම අදහාගත නොහැකි විශ්මයකි. ඉතා ආකර්ෂණියව සිදු කෙරෙන මෙම කාර්යයට ඇත්තේ දිගු ඉතිහාසයකි. “ඔරු” යන වචනයෙන් සැදුනු “ඔරි” යන වචනයේ අර්ථය “නැවීම” යන්නයි. “ගමි” යනු   “කඩදාසි” යන්නයි. ඒ අනුව ඔරිගමි යනු “කඩදාසි නැවීම” වේ. ඔරිකටා, ඔරිසු, ඔරිමොනෝ ආදී වූ නම් වලින් ද මෙය ජපානය තුළ ප්‍රචලිතය. ඇතැගිලි වලින් තැණුන ද දෑතට දිය නොවන ඔරිගමි කලාව දරුවන්ගේ කාලය පියවන විනෝදාංශයක් පමණක් නොව බුද්ධි ප්‍රබෝධයට දැල් වුණු නැණ පහනක් බදුය.

හය වැනි සියවසේදී භික්ෂූන් වහන්සේලා ජපානයට කඩදාසි රැගෙන පැමිණිමෙන් පසු මෙම ඔරිගමි කලාව ජපානය තුළ ප්‍රචලිත විය. නමුත් මුල් කාලීනව කඩදාසි සදහා වැය වන මිල ඉහළ මට්ටමක පැවැතුණ බැවින් ඔරිගමි නිර්මාණ කෙරුණේ ආගමික උත්සව සදහා පමණි. ළමා ඉගෙනුම් උපකාරකයක් ලෙස මෙකී ඔරිගමි කලාව යොදා ගනු ලබන්නේ දහනව වැනි සියවසේ මුල සිටය. කඩදාසි කොකුන් දහසක් තැනූ විට තමන්ගේ ප්‍රර්ථනා මල්පල ගැන්වෙන බවට විශ්වාසයක් ජපන් ජාතිකයන් අතර පවතී. 

ඔරිගාමී තුළින් නිර්මාණය කරනා වූ කඩදාසි කොකා සාම සංකේතයක් බවට පත් වුයේ දෙවැනි ලෝක යුද්ධයේ දී හිරෝෂිමාවට පරමාණු බෝම්බ හෙළු පසුවය. පරමාණු බෝම්බයට හසු වී දිවි ගලවා ගත් “සදකෝ සසාකි” නම් දැරිය වයස අවුරුදු දොළහේදී (1955 වසරේදී) තමන් ලියුකේමියා රෝගයට ගොදුරු වී සිටින බව දැනගත් අතර මරණයේ අභියස සිට ඇය ඔරිගමි කොකුන් තැනීමට පටන් ගනු ලැබුවේ, තමා රැකගැනීමට ආශිර්වාද ලබා ගැනීමටය. නමුත් පරමාණු බෝම්බයට ගොදුරු වී දිවි ගලවාගත් තවත් බොහෝ දරුවන් ලියුකේමියා රෝගයෙන් පෙලෙන බව දැනගත් ඇය සමය උදෙසා කොකුන් තැනුවාය. මියයාමට පෙර ඇයට සෑදීමට හැකි වුයේ කොකුන් 644 ක් පමණි. ඇගේ මිතුරන් කොකුන් දහස සම්පුර්ණ කළ අතර, ඇය මිහිදන් කෙරුණේ කොකුන් දහස සමගිනි. ඒ ඇගේ සිහිනයට ගෞරවයක් ලෙසිනි. හිරෝෂිමා සාම උද්‍යානයේ සදකෝ ගේ ප්‍රතිමාවක් ඇත. එහි සදකෝගේ ඇගිලි තුඩුවල සිට ඉහළ යාමට සූදානම් වන කොකෙකු දැක්වෙයි. 

ඔරිගමි කොකෙකුගේ පියාපත් මත සදකෝ ලියූ හයිකු කවිය අදට ද ජපානය තුල ඉතා ප්‍රසිද්ධය. ඒ කවියේ අරුත වනුයේ,

“ මම සාමය ඔබේ තටු මත ලියමි. නුබ ලොව වටා ඉගිළ ගොස් මෙවන් විපතක් යළි දරුවන්ට නොවේවායි පතන්න.... ”

සදකෝ තැනූ කොකුන් ඔරිගමි කලාව නොනැසෙන, ඇතේ ඇගිලි තුඩු වලට දියවී යන තවත් කඩදාසි කලාවක් නොවන බවට සාක්ෂි සපයයි. මෙම ඔරිගමි කලාව තුලින් විවිධ කුරුල්ලන් වර්ග, මල් වර්ග, සමනලුන්, තරු, බෝට්ටු, කුඩා පෙට්ටි වැනි විවිධ නිර්මාණ කරනු ලැබේ. පහත සදහන් වනුයේ ඔරිගමි නිර්මාණ සාදා ගන්නා පියවරයන් ය.

පියවර 01

පියවර 02

පියවර 03

පියවර 04

 ⭀